《星梦传奇》首播张名雅唱完即哭罗钧满得分低

2019-04-23

字体:

大中小

浏览:

文章简介：张名雅系港姐冠军,但原来佢醉心唱歌.真系今晚先知. 无线今晚首播嘅<星梦传奇>,既似<超级巨声>,又似<中国最强音>之类,请来叶蒨文.周启生

张名雅系港姐冠军,但原来佢醉心唱歌。真系今晚先知。

无线今晚首播嘅《星梦传奇》,既似《超级巨声》,又似《中国最强音》之类,请来叶蒨文、周启生、Eric Kwok同巫启贤做评审,但系参赛者,都系无线艺人。真系唔讲唔知,一睇条片先至知,原来个个参赛艺人都咁钟意音乐同唱歌,个个自我介绍时,都讲到音乐同自己嘅关系时,就如水之于鱼一样。但一唱,都“技惊四座”。

演员就系演员,艺人就系艺人,歌手就系歌手。呢个节目最尴尬嘅就系,迫艺人做演员的同时做埋歌手,港姐冠军张名雅系艺人,但无线要佢做埋歌手;黄智雯备受力捧,演技尚待磨练更上层楼,但无线要佢唱歌。结果喺今晚播出嘅一集《星梦传奇》,两人以唱卡拉OK嘅技巧比赛,张名雅唱《华丽邂逅》,得分尾二;黄智雯唱《爱是最大权利》,得分包尾。

张名雅唱《华丽邂逅》,唱功实在只系K房程度,声底几好,唱到副歌高音位时力保不失,但明显听得出“就住”咁唱。一唱完,评判都未讲评语,张名雅已经系咁流泪,佢话:“有啲感动……。感动嘅系,我平时唱歌,真系好注重技巧,因为成日都想进步多啲,所以都有揾老师执吓有啲位可以唱得好啲。同埋live band,好细个试个一次,今次又有live band,真系有啲紧张。”

至于几位评判评价,俾70分嘅巫启贤话:“你系唱得几尽情,记住呢八个字:‘心中有歌,目中无人’。”叶蒨文都俾70分,话张名雅把声几有力,但鼻音重,应多练丹田气将把声推上去。至于Eric Kwok,咁啱,《华丽邂逅》一曲,系佢作0架,今次佢都只系俾68分:“因为呢首歌系我作嘅,咁兼且…冇办法,呢首歌好难唱。你应该一开头入轻啲,先可以表现到后面嘅强劲。”最后只得分146.7,排尾二。

张名雅系港姐冠军,但原来佢醉心唱歌。真系今晚先知。

选唱祖儿嘅《华丽邂逅》

张名雅父母

一唱完自己就喊

原来佢系俾自己感动

睇吓巫启贤嘅表情…

Eric Kwok只俾68分,系众评判中最低。呢首歌,系佢作0架。

无线捧艺人做歌手罗钧满得分低

无线近排真系好多骚,系好多真人骚,有个平民版嘅《求爱大作战》,仲有个高阶版,呀,系艺员版嘅《星梦传奇》,用比赛,用唱歌,加埋有现成艺员,一个节目要嘅元素,有晒!睇下睇下,仲好似睇紧有章子怡做评判嘅《中国最强音》咁呀…

《星梦传奇》今晚第一集终于出街,参加比赛嘅艺人,包括罗钧满、梁烈唯、黄智雯、袁伟豪、张名雅、郑俊弘、张景淳等等。

其他人唔讲,先讲罗钧满,佢set靓个头,著上黑色blazer,拣咗由张学友同陈奕迅唱嘅《天下太平》,哗,好高难度㖞。

(音乐响起…)