傳蔡思貝與男友同居 繼續電沈震軒

2017-10-24
字体:
大中小
浏览:
文章简介：備受無綫力捧的應屆港姐季軍蔡思貝,近來密密接劇,剛拍住視帝黎耀祥拍<商戰>,之後又在新劇<衝線>做第一女主角,上位之快,確係令人羨慕!不過鬼妹仔性格嘅蔡思貝亦同樣緋聞不斷,先傳出佢硬撬姜麗文男友鄭俊弘,又話佢做節目俾崔建邦睇中,近期仲有雜誌不約而同話佢同<狂舞派>舞蹈總監麥秋成拍拖,到底邊個至係真命天子﹖其實麥秋成已被影過幾次車蔡思貝出出入入,最近一次係上星期五,蔡思貝完成無綫活動之後坐24座小巴去藍田,然後會合一早揸咗架車等佢嘅麥秋成,仲送佢去電視城返工,到電視城後仲

備受無綫力捧的應屆港姐季軍蔡思貝,近來密密接劇,剛拍住視帝黎耀祥拍《商戰》,之後又在新劇《衝線》做第一女主角,上位之快,確係令人羨慕!不過鬼妹仔性格嘅蔡思貝亦同樣緋聞不斷,先傳出佢硬撬姜麗文男友鄭俊弘,又話佢做節目俾崔建邦睇中,近期仲有雜誌不約而同話佢同《狂舞派》舞蹈總監麥秋成拍拖,到底邊個至係真命天子﹖

其實麥秋成已被影過幾次車蔡思貝出出入入,最近一次係上星期五,蔡思貝完成無綫活動之後坐24座小巴去藍田,然後會合一早揸咗架車等佢嘅麥秋成,仲送佢去電視城返工,到電視城後仲落埋車送到門口,非常體貼。報道指蔡思貝更於上月搬到男友將軍澳峻瀅嘅居所同居。

不過雖然蔡思貝已有男友,但仍然不減電力,有雜誌報道日前佢同沈震軒拍劇做對手戲,未埋位已經喺男方面前動作多多,又擘髀又輕撥短髮咁搔首弄姿,唔知沈震軒有冇畀佢「電」親呢﹖