馬國明恨咀李詩韻 鄭嘉穎分身有術狂掘金

2018-02-23
字体:
大中小
浏览:
文章简介：無綫新劇<鐵馬尋橋>上周收視只屬一般,但口碑不俗,男主角鄭嘉穎更分飾父親及兒子兩個角色,他直言極富挑戰性,並寄望收視會愈來愈好,他說:「<鐵>係我最鍾意劇本之一,加上一班演員拍得好開心,同馬國明.唐詩詠.嘉華哥好似一家人一樣,拍完大家都會約埋出嚟食飯.睇戲,如果收視好就有機會拍續集,到時大家又可以再合作.」劇集收視仍在衝刺階段,但嘉穎透露今年收入十分可觀,年頭至今已有七位數字進帳,難怪他笑不攏嘴:「新年時去咗美加拍廣告,同接咗幾個登台騷,五月又會同陳豪.吳卓羲.黃宗澤去馬來西亞開演

無綫新劇《鐵馬尋橋》上周收視只屬一般,但口碑不俗,男主角鄭嘉穎更分飾父親及兒子兩個角色,他直言極富挑戰性,並寄望收視會愈來愈好,他說:「《鐵》係我最鍾意劇本之一,加上一班演員拍得好開心,同馬國明、唐詩詠、嘉華哥好似一家人一樣,拍完大家都會約埋出嚟食飯、睇戲,如果收視好就有機會拍續集,到時大家又可以再合作。」

劇集收視仍在衝刺階段,但嘉穎透露今年收入十分可觀,年頭至今已有七位數字進帳,難怪他笑不攏嘴:「新年時去咗美加拍廣告,同接咗幾個登台騷,五月又會同陳豪、吳卓羲、黃宗澤去馬來西亞開演唱會,覺得今年好充實,希望可以快啲達成媽咪願望,買番層樓,但依家樓市太高,都要睇定啲。」

問到媽媽有否催他娶老婆?他笑說:「兩年前就有,話有仔趁嫩生,但大家唔好勸我,未到結婚都唔會講感情事。」

嘉穎搵錢不忘行善,早前便與周慧敏到越南探訪。

嘉穎希望劇集收視好,可以和楊怡等原班人馬拍續集。

嘉穎搵錢之餘都不忘做善事,他透露早前與周慧敏一同往越南探訪當地貧困家庭,他說:「預咗當地衞生環境會好差,但覺得好有意義,好想令更多人關注貧困問題。」他表示自己有贊助十位小朋友讀書,他說:「四、五年前已開始助養兒童,最近多咗兩個喺越南,有時收到佢哋送嘅心意卡已經好開心。」

攝:沈健程服裝及場地:Stage of Playlord

馬國明懶理緋聞女友胡定欣,公開大讚最鍾意同李詩韻合演情侶,除了直言渴望與詩韻孖住登台搵銀外,又表示希望與對方演夫妻角色,還要加多些咀戲!

李詩韻性格樂天,經常在片場氹得拍檔開心。

李詩韻、馬國明在無綫劇集《鐵馬尋橋》中再度合作,是繼《少年四大名捕》、《太極》、《肥田囍事》、《本草藥王》後,再次飾演一對,雖然屢次合作,但兩人愈拍愈有新鮮感,馬國明更明言要與詩韻成為螢幕情侶,難道不擔心緋聞女友胡定欣呷醋?

馬國明直言雖然經常與詩韻飾演情侶,不過完全未有悶意:「同詩韻合作好好默契,而且好開心,喺公司唔係個個都可以夾得咁舒服,佢性格樂天,氹得人好開心,記得之前同佢合作《太極》,佢有場喊戲喊唔出,點知佢搵本小說出嚟睇,睇咗幾頁就喺度喊,好搞笑。

(係咪想同詩韻做螢幕情侶?)梗係啦,最好就做情侶檔,除咗拍戲可以合唱登台,好想同詩韻演多啲sweet啲嘅兩公婆,若果多啲咀戲更好,不過今次喺《公主嫁到》佢變咗演我表嫂,我都係鍾意演情侶多啲!」

馬國明雖然口花,但在詩韻眼中是個不折不扣的好男人。

詩韻與馬國明合作無間,再演情侶零難度。

詩韻則笑指馬國明口花花,但也大讚對方好男人,揚言喜歡與相熟男拍感情戲:「佢由拍《本草藥王》已經咁講,成日口花花,不過佢係好男人、好老公、好踏實,佢唔讚我,唔驚我整蠱佢咩。(同馬國明拍劇有冇咩難忘記憶?)今次拍《鐵馬》,同佢有場水底戲,我又唔識游水,超級驚,拍嘅時候啲水入晒鼻,而且又乸眼,入行以來最辛苦,好彩佢傍實我,等我喺水裏冇咁驚。」