《On Call 36小時Ⅱ》黃智雯激吻袁偉豪

2017-09-25
字体:
大中小
浏览:
文章简介：上位要睇時機,無綫花旦荒造就了黃智雯,唔使賣樣都可升格做女二,在趕拍中的<On Call 36小時II>中更由頭帶到尾.日前深夜,該劇在灣仔

上位要睇時機,無綫花旦荒造就了黃智雯,唔使賣樣都可升格做女二,在趕拍中的《On Call 36小時II》中更由頭帶到尾。日前深夜,該劇在灣仔街頭拍外景,劇情需要與袁偉豪激咀,但黃智雯就顯得好避忌,雙唇緊閉唔配合,頻NG可以點?導演腦袋急轉彎,照收貨,補多兩Take大圍叫囂起哄就算,無綫劇就係咁,將貨就價,無謂嘥時間。採訪:李權威、李維隆、畢紹基

參選港姐入行,黃智雯碌咗幾年,至去年憑《缺宅男女》關二嫂一角受關注,緊接在《女警愛作戰》的「Madam Kiu」超搶戲,就咁樣上位成功,無綫亦順應民意,踢走岑麗香和苟芸慧兩大高登女神,讓她奪得飛躍進步女藝員獎。

羅仲謙黑面避鏡

升格做女二,黃智雯成監製們的爭奪對象,《情逆三世緣》和《On Call 36小時II》兩劇疊住拍,還下月開工的《飛虎II》,點睇條路都好直,原來唔賣樣一樣得。

日前深夜,黃智雯與羅仲謙等人為《On Call》拍殺科戲,劇情講述袁偉豪找來羅仲謙等兄弟們玩跪地求婚,在眾人起哄下,袁偉豪攬實黃智雯咀嘴,可惜一見有記者在場,羅仲謙第一時間黑面落閘,而黃智雯等則再三迴避鏡頭,直至導演得悉記者身份,笑着打招呼後,一眾演員即面露歡顏,過程只需五分鐘,變臉之快,確定戲子之位。

導演一聲action,袁偉豪快手跪地求婚,並把黃智雯一擁入懷,當場激咀,可惜神女唔就範,你有你嘴,我有我避,緊閉雙唇,錫身表現令袁偉豪非常尷尬,只好繼續投入去演,待導演嗌cut才放手。

34C激凸任影

接連NG唔係辦法,導演唯有收貨,再補幾個大圍起哄shot就算,其實又唔太關怕醜事,事關兩日後,黃智雯以比堅尼拍廣告,34C激凸任影唔嬲,面對數十傳媒鏡頭一樣笑笑口,那夜的咀戲實屬小兒科。

黃智雯要與袁偉豪激咀,但前者雙唇緊閉唔配合。

見記者在場,羅仲謙第一時間黑面落閘。

黃智雯再三迴避鏡頭。

黃智雯早前穿上三點式泳裝拍廣告。