林夏薇老公莫赞生林夏薇去米兰逛名店老公莫赞生被拍尴尬脸红

2019-03-23

字体:

大中小

浏览:

文章简介：林峯28岁堂妹林夏薇今年7月秘嫁拍咗两年拖.身家逾20亿上巿公司董事莫赞生(Jason),一连两晚喺山顶豪宅举行婚礼同摆喜宴,只邀请堂哥林峯.未来堂嫂吴千语观礼.米兰时间9月28号,当地时间约傍晚6点半,<苹果>喺米兰影到林夏薇同老公Jason行名店街Via Monte Napoleone,当时林夏薇拎住chanel小手袋,老公Jason就身穿Givenchy嘅卫衣及孭住呢个牌子嘅背囊.林夏薇老公莫赞生林夏薇去米兰逛名店老公莫赞生被拍尴尬脸红林夏薇当日先同老公Jason入咗Hermès店睇

林峯28岁堂妹林夏薇今年7月秘嫁拍咗两年拖、身家逾20亿上巿公司董事莫赞生(Jason),一连两晚喺山顶豪宅举行婚礼同摆喜宴,只邀请堂哥林峯、未来堂嫂吴千语观礼。

米兰时间9月28号,当地时间约傍晚6点半,《苹果》喺米兰影到林夏薇同老公Jason行名店街Via Monte Napoleone,当时林夏薇拎住chanel小手袋,老公Jason就身穿Givenchy嘅卫衣及孭住呢个牌子嘅背囊。

林夏薇当日先同老公Jason入咗Hermès店睇饰物,再去上层睇手袋,林夏薇拣咗一阵都冇咩心水便离开,行街嗰阵,佢哋都冇好似「糖痴豆」咁,大家各有各睇,期间拖过下手,行行下,老公Jason就松开咗林夏薇只手,腰间嘅位置,令件衫揭起咗。

林夏薇同老公Jason跟手就去咗CÉLINE间店,都系睇手袋为主,行咗5分钟又出咗嚟,想入去对面Valentino店舖时,二人发现有记者在场,就连名店都冇入,急住走人。

问及林夏薇系唔系嚟度蜜月,佢笑住拧头示意唔系,咁去边度玩,林夏薇表示:「系欧游!」咁系唔系算系度蜜月,佢甜笑话:「都算系嘅。」问到系唔系心急造人,林夏薇就笑而不语,行多两步时,林夏薇又称:「咁忽然(遇到记者)嘅。」老公Jason成程亦显得好唔自然,块面仲红晒,似乎有啲尴尬,林夏薇同老公Jason继续急步行,佢哋过马路时都有拖下手。