黄翠如七日 萧正楠认定黄翠如:好嘅时候会结婚 龚嘉欣日日拉票想拎女配
「歌神」张学友的《A Classic Tour学友.经典世界巡回演唱会-香港站》昨日开锣,学友表示通常唱完《你的名字我的姓氏》就差不多来到个唱尾声:「我尽快将要讲嘅讲晒,唔阻大家时间。」之后他就多谢一班幕后人员,他叫观众给他及一班dancers掌声:「以小弟嘅资质,跳舞要努力,但努力都会唔记得,所以佢哋喺我前面好重要。」
又指要多谢今晚香港首场的观众:「好嘅开始系成功嘅一半,今日系唔错嘅开始,thank you。无论我开过几多次,嚟到红馆呢度都会紧张,之前嗰啲我都几淡定。如果你哋觉得有啲经典歌冇唱,有时间就再等多阵。」接着便唱出《爱是永恒》及《祝福》,唱《祝福》时,学友更斗牛士上身,拿着白布与女dancer斗舞。
Encore环节,学友换上啡金西装再出场,演唱一系列经典歌如《每天爱你多一些》、《李香兰》等。唱至《给朋友》时,舞台投映出学友与多位已故巨星的合照,如梅艷芳、罗文、张国荣等,场面感人。到最后一首歌《如果爱》,舞台变成一个马戏团嘉年华,最后学友逐一向四面台观众鞠躬,个唱在23:12完场。
模熊黛林(Lynn)早前同拍拖一年几嘅郭可颂拉埋天窗,升呢做郭太,婚后Lynn仍然忙于工作,两公婆要分隔两地,只好喺网上隔空传情!最近郭生郭太终于可以一齐放吓假,去享受阳光与海滩,兼展开蜜月之旅。可惜天公不造美,Lynn今日喺社交网站上载同老公嘅恩爱合照,留言:「第四天了,上天“赏赐”了我们两个小时的晴天,然后就又开始狂风暴雨了。
」虽然只系得短短两个钟系晴天,但系相信老公喺身边嘅话,Lynn嘅心情全日都系放晴啦!
歌手陆永两个囡囡生得精灵又可爱,每次陆永太太Rainah上载囡囡新相,都会吸引大批网民留言畀like。呢日Rainah喺社交网站开心share咗两个囡囡嘅相,4岁嘅Hannah同3岁嘅Simsim两个梳咗个好可爱嘅丸子头,笑得劲甜咁望住镜头,Rainah留言:「几时开始呢两姊妹变到会开口叫人影相 #唔肯一齐影 #各自影左几十张 #又delete左几十张 。
」估唔到佢哋两个人仔细细,已经咁识影相,睇嚟将来都好大机会可以入行做艺人喎,仲吸引大批网民留言赞佢哋又靓又sweet㖭!
艺人萧正楠(Edwin)、张继聪、邓佩仪、庄思敏、龚嘉欣、陈炜及刘佩玥等到马鞍山宣传新剧《幕后玩家》,讲到剧中Edwin被「真‧女友」黄翠如抛弃,Edwin直言拍摄期间两人都好入戏,一度非常失落:「大家都入咗角色,我嗰阵真系屈住屈住,咁大顶绿帽笠落嚟,好真实咁,当然过去咗就抽离到,冇咩芥蒂喇!」
对于翠如在另一活动上表示Edwin未求婚,而且拍拖时间不够,Edwin笑说:「佢够未向我求婚咯!讲笑咋!讲真识佢到依家都冇咩点倾结婚,虽然近排身边都多人结婚,都恨恨哋,但暂时未谂。(放低啲工作陪女友多啲?)大家都冇呢个要求喎,我哋两个一直都忙。
(唔捉实翠如呢个笋盘?)佢系笋㗎!我已经捉得好实,应该飞唔出我手指罅!(认定咗翠如?)我系㗎!但惊阿妈呢排太入戏,以为翠如真系剧中咁差,总之暂时好开心一齐。(唔怕拖拖吓唔结婚会冇埋?)咁好多人都拖咗好耐先结,我想有个好嘅时候先做。」
讲到两人《幕》的出浴肉搏戏引来甚大回响,被网友笑言将真实事情放上电视,Edwin笑说:「我平时锁门冲凉㗎!点会有人入到嚟!至于露肉,其实最性感系我,多数啲肉都系我。(翠如当时有冇尴尬?)佢都性感㗎!有清吓场嘅,交代佢半裸行过玻璃,我都以为系半裸,得佢喺入面,我都唔知佢点啦!(提佢做好安全措施?)咁走咗光都唔会出街嘅,而且监制会安排最舒服嘅气氛,我哋场Kiss戏都一Take过ok。」
内地颁奖礼在北京奥体中心隆重举行,英皇高层霍汶希、香港天后容祖儿、「内地男神」陈伟霆(William)及英皇艺人麦亨利组成的「英皇family」齐亮相,狂揽多项大奖。
颁奖礼上,英皇高层霍汶希任制作人的《十二道锋味》获得「年度最佳综艺制作人」大奖,至于容祖儿就获得「年度综艺表现」大奖,William得最受瞩目「年度人物」大奖,主办方更在现场宣布他成为内地网台的VIP代言人,获得「首席推荐官」称号,成为当晚的最大赢家。
女艺人龚嘉欣(Katy)到马鞍山宣传剧集《幕后玩家》,期间大会安排生日蛋糕,为明日生日的Katy庆祝生日,众女艺人又送吻祝贺,Katy切蛋糕时感动落泪!
抱恙的Katy事后受访,她表示拍这套剧相当辛苦经常喊,曾陷患抑郁症,因此份外感触:「当时情绪好差,但又识到好多朋友,大家会倾偈倾到凌晨五点,好似返番去读书时候咁。(生日愿望想得奖?)系呀!想拎女配角,依家喺公司成日向同事拉票,好开心个个同事都帮我打气,咁多年都未试过呢种感觉。
」问到生日有冇男仔约出街?她直言完全没有:「系零喎!唔紧要,我都要工作。(唔会唔开心?)你咁讲,又系喎,寄望下年啦!今年好多工作要处理。」
