丁煮场老板丁伟杰 丁煮场——有着丁伟杰对足球同样嘅执着
如果睇波朋友一定会认识以前ESPN、依家广州竞赛频道嘅著名足球评述员——丁伟杰,依家佢系广州开咗间唔止可以睇波,仲可以品尝到正宗西餐嘅餐厅——丁煮场。
哩间餐厅个名有两个含义:
第一、 主场,正中墙上最抢眼就系挂住今年即将问鼎中超冠军——广州队全家福,只要系广州队客场比赛哩度都系广州球迷嘅主场。加上有丁伟杰系现场做评述及互动,亦不亚于天河主场嘅气氛。
第二、 煮场,以主打西餐招揽顾客,系广州要揾间出品正宗唔系咁易。餐厅装修简约宽敞、环境幽静,两边都配备有大电视,足球为主题嘅餐厅。其实除咗系球季时系球迷朋友聚集嘅好地方外,三五知己、情侣朋友倾计、吃饭嘅好地方。
饮品——乌龙玫瑰荔枝果肉茶,一眼望落去已经有期望,个杯下半部分做成一个足球形状,罗起手就如夺冠罗起个奖杯。饮落口微微有乌龙嘅苦味,但带有玫瑰嘅香味、荔枝嘅清甜感,饮完口干清新,另外对之后嘅菜式更加期待。
前菜——烟三文鱼芦笋卷/蟹子蛋酱多士/鲜虾脆饼,首先西餐厨师用心摆设,带俾吃客视觉享受。清爽嘅芦笋夹上烟熏味嘅三文鱼,齿颊留香;蟹子加多士脆上加脆;鲜虾下面加咗少许龙虾酱令无味饼干增色不少。
沙律——烟鸭胸沙律,薄片鸭胸入口唔觉得韧及死死实实感觉,还略带点油脂。菠萝的甜加上小番茄的微酸刺激到味蕾唔觉得鸭胸的腻。
西式汤——蘑菇鸡肉忌廉汤,鸡肉搭配上淡淡忌廉味道,有别于所谓正宗西餐厅出品。
意粉——鲜茄酱龙利鱼天使面,摆到上餐台已经觉得系一件艺术品。厨师用橄榄油将龙利鱼四面煎香,鱼肉汁封住系里面。咬落去时既香脆又吃到鱼肉嘅鲜味。天使面系意粉中最细号,煮时靠厨师经验把握,唔系过淋就真系浪费。
主菜——牛油扒大虾拼烧美国安格斯肉眼扒,餐厅MENU都无哩道菜架,觉得好鬼幸福,哈哈。唔系国产嘢嚟架,全部进口产品,大虾选用越南大虾,而安格斯肉眼扒系牛扒中嘅顶级,高端西餐厅首选原料,并且从美国空运过嚟,睇得出餐厅用心经营。
用牛油煎香虾再系面上铺上面包糠令虾肉嘅多余水份吸收到面包糠里面,吃起虾肉时爽口弹牙并带有点点牛油清香。六成熟嘅安格斯牛扒系最好吃的,肉质呈大理石纹,鲜嫩、多汁,口感自然略带牛油香味。
甜品——雪山派对,由辣姜、百利甜、雲呢拿三个口味组成,糕体细滑、香浓。虽然价钱要54文一个,但外面吃唔到哩只法国雪糕咯。辣姜雪糕辣味中带住清凉感觉;百利甜雪糕由百利甜酒为原料口感好SWEET。
小食——全场爆满,首先哩个名起得好,由东南亚几种嘅虾片组成,味道各不相同,香脆可口,睇波或者倾计时最好嘅拍档。
用球迷对丁伟杰嘅评价去点评哩间餐厅
1、 电脑里面有不少于1000支球队嘅资料,可以讲佢每次直播都做足晒功课;煮场亦都一样,从餐具嘅造型、摆设到菜单嘅审定、菜式出品都亲力亲为。
2、 评球客观、中肯,采纳别人意见;煮场里面菜式能够为客人所想,了解不同意见,不断推陈出新,变换菜式。
最后,未有哩间餐厅之前我已经唔系广州吃西餐了,依家吃过之后可以唔使山长水远坐车去香港吃了。希望如丁煮场嘅煮场前锋个名一样——可以做到日日全场爆满。
