马国明雪藏 【被掟入「雪柜」?】唔肯加签几年 马国明被开刀抽剧

2017-10-18
字体:
大中小
浏览:
文章简介：大台近年经历小生花旦逃亡潮,就连为大台效力多年嘅志伟都话艺人上内地工作,待遇好过留喺TVB,难道胡杏儿.徐子珊.陈茵媺及吴卓羲等都闪人,更传就嚟约满大台嘅「小巨肺」林欣彤都想离开大台,今日周刊指,由於当红小生花旦排队等约满,盛传大台高层要搵一班艺人返公司倾下偈,更有人用「手段」迫艺人加签合约,如果有人唔听咚话,就被掟入「雪柜」,周刊指第一个「祭旗」居然系马国明.吓!真唔真呀!? 据知,马国明因为每年大台颁奖礼,都系「坐上客」,不过,今年仍然无望视帝,未知系唔系有意外闯,无意加签先被「祭旗」,马明

大台近年经历小生花旦逃亡潮,就连为大台效力多年嘅志伟都话艺人上内地工作,待遇好过留喺TVB,难道胡杏儿、徐子珊、陈茵媺及吴卓羲等都闪人,更传就嚟约满大台嘅「小巨肺」林欣彤都想离开大台,今日周刊指,由於当红小生花旦排队等约满,盛传大台高层要搵一班艺人返公司倾下偈,更有人用「手段」迫艺人加签合约,如果有人唔听咚话,就被掟入「雪柜」,周刊指第一个「祭旗」居然系马国明。

吓!真唔真呀!? 据知,马国明因为每年大台颁奖礼,都系「坐上客」,不过,今年仍然无望视帝,未知系唔系有意外闯,无意加签先被「祭旗」,马明之前有份演嘅《流氓皇帝》本来系8月初播,忽然被抽起,改播王浩信孭飞嘅《楼奴》,起初仲以为大台系想被王浩信入闸争视帝,点知原来另有内情。

周刊更指,虽然马明仲有几年先约满,不过,佢就点都唔肯加签合约,据知,马明拍完《为食神探》之后,就一直「放假」冇剧拍,更曾自爆多咗时间去踢波,只系安排佢去啲海外节目现身。报道又爆大台呢招「苦肉计」系想吓到一班大台上位嘅新人,等佢哋更加听话。