裕美黄子恒 怨前夫不识沟通!裕美赞黄子恒细心啱倾
去年裕美被爆背夫搭上黄子恒,更接连爆出家暴、情欲短讯及老公拍片反击等新闻,二人事业因此停滞不前。如今事过境迁,黄子恒获无綫放生力捧,裕美也投入剧集拍摄。男方为保工作多次强调不再想感情,而女方虽承认单身,但言谈间对旧爱赞不绝口,剖白与前夫之情却带点忿忿不平:“佢唔识同我沟通!”似乎未完全走过伤痛。
裕美与前夫林恩浩(Jason)相恋一年就结婚,她坦言当时太冲动,双方其实需要更多时间相处:“啱啱一齐梗系好啲啦,我嗰时唔明白拍拖同结婚系两样嘢。你猴擒系代表嗰一刹那情感好丰富,但情感可能转眼间就冇咗。”她曾经认为只要老公爱锡自己与小朋友就够,没考虑到价值观亦要相同:“我同佢唔够了解,大家处事方式好唔同。”裕美透露和前夫沟通出问题:“好似唔啱Channel咁,我会谂系咪我表达有问题?点解对方会Get唔到嘅?”讲心事得不到回应其后问题愈滚愈大,令二人愈走愈远,裕美说:“佢有啲嘢Hurt咗我,我等大家冇咁嬲先笑笑口同佢讲:‘其实嗰日我唔系咁开心,望到你觉得有啲陌生,我唔想咁样,可唔可以解决咗件事?我希望以后有啲咩都可以继续同你分享。’跟住佢话:‘你讲完啦嘛?我哋讲番第二啲话题。’”前夫的回应令她心碎,更暗自决定不再向对方讲心底话:“我谂佢系唔识同我沟通,而唔系唔想。”
未有第三者已想离婚裕美知道这个处理方法很差,但已经愈来愈迷失,经常于女性好友家中留宿,又爱上跟朋友出去玩,与黄子恒就是在此阶段认识。本来碍于信仰不同,她认为两人没可能发展,但挣扎过后还是走在一起。裕美深感遇到了解自己的人:“可能佢大我少少,又比较细心,好易明白我谂紧咩,同埋佢又做娱乐圈,觉得好啱倾。嗰时我个人好乱,唔知可以点,跟住有个人出现,好安慰到我,好似唔讲嘢都知我谂乜,就寄托咗喺佢度。”她强调即使没有第三者,亦早有离婚念头,只是担心妈妈未能承受而一拖再拖,直至被传媒踢爆婚外情才决心解决事情。服装:Novelty Lane
