黄子华栋笃笑 黄子华2015最新栋笃笑金句 笑到爆肚!

2018-01-13
字体:
大中小
浏览:
文章简介：一连四场的黄子华脱口秀<唔黐线唔正常>在广州体育馆落幕,黄子华又爆出不少既让人捧腹又让人反思的金句,包括对当下"低头族"现象的讽刺--2015年子华哥的最新栋笃笑,你值得拥有!爱情跟股票一样,未入手之前不停咁涨,你知啦,你一旦拥有就--所以世上有100分男孩.100分女孩,但无100分伴侣,相处就代表从100开始扣分.两人相爱,梗係唔想有第三者,但点解你想生仔?有人话'个仔点会係第三者呀?'个仔唔係人咩?!呢个第三者占用你好多时间,仲多过你嗰啲第三者,就算你真係有个第三者,

一连四场的黄子华脱口秀《唔黐线唔正常》在广州体育馆落幕,黄子华又爆出不少既让人捧腹又让人反思的金句,包括对当下“低头族”现象的讽刺……2015年子华哥的最新栋笃笑,你值得拥有!

爱情跟股票一样,未入手之前不停咁涨,你知啦,你一旦拥有就……所以世上有100分男孩、100分女孩,但无100分伴侣,相处就代表从100开始扣分。

两人相爱,梗係唔想有第三者,但点解你想生仔?有人话‘个仔点会係第三者呀?’个仔唔係人咩?!呢个第三者占用你好多时间,仲多过你嗰啲第三者,就算你真係有个第三者,一个礼拜偷食三次够未?大家都知偷食最大禁忌,就是唔好将偷食变成正餐,咁样你一次就要食两餐。但呢个第三者,每日食6餐,随时食埋你果份,你分分钟冇得食!

点样嘅至尊金身先有资格同女性相处?就係都敏俊xi,一个400岁的外星人,有400岁的智慧,最重要是有400年的财富。佢间屋靓到啊!仲有,佢一定供完啦,就算未供完,佢供左400年,未供完应该都係五毫子一个月,我供得起。

你有400岁,就算折坠到剩低个漱口盅,都係古董啦!唔係,呢啲都唔重要,佢有超能力,有400岁的成熟,仲係17岁的面孔。呢啲都唔係最重要,佢仲唔可以接触人类嘅体液,佢kiss就好似中风咁,一做就死梗,所以永远唔可以做,永远100分。

生仔就放三个月假,死老窦就放3日,点解?因为大家都讲生产力,你个仔生出世将来有生产力,但你老窦係无将来。屈原个仔死老窦有几多日假?就係端午节嗰日咯,佢仲要包粽去卖,有生产力添!

21世纪是平板电脑年代,点解有电脑仲唔够,仲要用平板电脑呢?(黄子华蹲下,摆出去厕所睇平板电脑的姿势)係唔係?就係要拿入厕所都睇得方便,依家啲人入厕所就好似入少林寺,‘我唔过关係唔会出番嚟!’不过你都係要出番嚟,冇电呀!所以,阿强好醒目,係马桶边整左个插苏制,年三十晚入去,人日都未出来。

呢个show好唔好睇?(台下)好多人都问紧隔离果个:“黄子华栋笃笑好唔好睇啊?”“你唔係睇紧咩?”“好多人问我好唔好睇,我要复佢地啊。到底好唔好睇啊?”“我唔知,我睇紧佢上一套。”

大家都有手机,这部手机就係我,我所有衣食住行,眼耳口鼻,唔可以见人,可以见人嘅都係入面,好多人情愿唔见左自己,都唔想唔见手机——你可以拥有我的肉体,但唔可以偷睇我的手机,因为我只係表面,它先係底。你可以同人讲交换老婆,但你话要交换手机?你係唔係人嚟架!