周柏豪女友 父母催婚 周柏豪收埋六年女友
父母催婚 周柏豪收埋六年女友 入行六年,周柏豪緋聞女友多不勝數,但原來一直秘密收埋拍拖六年、在 I.T任職 buyer的女友 Stephanie,感情更至同居階段。據知, Stephanie早已融入周家,更深得未來老爺奶奶歡心,快將三十歲的柏豪,甚至已被兩老催婚。
周柏豪與時裝界女友 Stephanie拍拖六年,前年二人租住日出康城單位,展開同居生活。 到達大廈, Stephanie純熟地按密碼開門。
早前周柏豪揸住過百萬新車,載女友返回將軍澳居屋探望父母。 行奶奶政策 就快舉行首個紅館個唱,但周柏豪仍趁空檔時間,出動百萬平治 jeep,載女友返將軍澳老家探父母。 一落車,眼利的周柏豪即發現記者,並通知女友加快腳步,只見 Stephanie純熟地按密碼開門,明顯是周家常客。
步入大廈等升降機期間,一左一右分開企的周柏豪和 Stephanie,不時回頭探視記者行蹤。 「柏豪爸爸媽媽好錫 Stephanie,當正人哋係新抱,兩老話個仔咁多緋聞,難得 Stephanie唔介意,咁多年都喺佢身邊,加上 Stephanie份人好識做,同柏豪搬咗出去住之後,一個星期起碼返將軍澳一、兩日食飯,有時仲落手落腳煮兩味,老人家梗係歡喜啦!
成日問個仔幾時娶人過門。」柏豪身邊人透露。 周柏豪早前介紹細佬女友(箭嘴)簽約 Starz People做 model。 買入新車後,周柏豪將 Audi「錢七」轉送父母代步,一家人更在車前影相留念。
上週,周柏豪與父母到土瓜灣晚飯,離開時,一行人足足在停車場擾攘了近半粒鐘。 照顧弟婦 即將在紅館舉行處女騷的周柏豪,兩場爆滿。 是家中經濟支柱,事業剛有起色的周柏豪並未有成家打算,即使與 Stephanie感情穩定,對父母的要求,只採取拖延政策。
上週五(八月二十九日),周柏豪車埋細佬同到土瓜灣七喜廚房陪父母晚飯,是夜女友未有現身。 食到凌晨十二點半,一家人才離開,揸新車出入的周柏豪,將 Audi「錢七」轉送父母代步。
一行人到附近停車場攞車時,一家人在車前拍照留念講「車經」,擾攘近半粒鐘,才各自揸車返歸。 「柏豪好照顧屋企,就算係細佬女朋友,佢都幫手搭路安排未來弟婦簽 Starz People做 model。
其實佢家庭觀念好重,同 Stephanie性格好似,就算要做隱形女友,睇住自己男朋友有咁多飛來蜢, Stephanie都冇怨言,好睇得開。」知情人說
