巡视酒楼业务 陈锦鸿冧客拉生意

2018-05-04
字体:
大中小
浏览:
文章简介：锦鸿同老婆杜雯惠原本係嚟酒家开餐,不过,紧张生意,忍唔住巡视下业务.陈锦鸿10年前拍落嘅剧集<兰花刼>,无线最近就喺仓底挖返出嚟,仲摆黄金时段播放,旧剧得以重见天日,身为男主角嘅锦鸿,义无反顾返娘家帮手做宣传,认真唔话得.虽然港视嗰边开台唔成,锦鸿一直停产冇剧拍,但佢并唔係完全冇嘢捞.早年,佢已经喺尖沙咀开咗间潮州酒家,近一.两年仲喺黄埔同广州开多两间,喺饮食界大展拳脚.陈锦鸿出席<兰花刼>宣传活动.早排,锦鸿喺佢尖沙咀嗰间酒家出现,同埋老婆杜雯惠去返自己地头开餐,睇得出佢都好紧张

锦鸿同老婆杜雯惠原本係嚟酒家开餐，不过，紧张生意，忍唔住巡视下业务。

陈锦鸿10年前拍落嘅剧集《兰花刼》，无线最近就喺仓底挖返出嚟，仲摆黄金时段播放，旧剧得以重见天日，身为男主角嘅锦鸿，义无反顾返娘家帮手做宣传，认真唔话得。

虽然港视嗰边开台唔成，锦鸿一直停产冇剧拍，但佢并唔係完全冇嘢捞。早年，佢已经喺尖沙咀开咗间潮州酒家，近一、两年仲喺黄埔同广州开多两间，喺饮食界大展拳脚。

陈锦鸿出席《兰花刼》宣传活动。

早排，锦鸿喺佢尖沙咀嗰间酒家出现，同埋老婆杜雯惠去返自己地头开餐，睇得出佢都好紧张啲生意，顺便仲四围行巡视业务。期间，有啲热情客人见到锦鸿都好惊喜，猛同佢打招呼say hello，而佢亦都好识做，笑到四万咁口走埋去冧客，仲听到佢猛咁叫人多多帮衬，认真落力拉生意。