梁政珏结婚 陳敏之 梁政珏 各自爆婚訊
現年37歲、有索腿天后之稱嘅陳敏之,同拍拖10年,經營燈飾生意嘅男友雷偉信(William)感情穩定兼屢傳婚訊,日前更結伴同伍詠薇夫婦欣賞張智霖演唱會。
據悉兩人會喺10月1日喺峇里結婚,事實上敏之同William拍拖初期,低調處理感情,專心發展事業,直到近年身體響出警號,先後因拍劇弄傷頸椎、跌斷鎖骨,接着佢又患上腎炎而令身體肥腫難分,幸有男友一直從旁支持,敏之才逐漸將戀情高調。
有報道消息稱喺今年1月敏之嘅生日飯局上,William向敏之求婚成功,不過事後敏之否認此事,只稱早已視男友為結婚對象,雙方有共識於今年結婚,可能會去小島享受陽光與海灘,總之形式一切從簡。
雖然最近有傳出敏之搭上無綫監製做小三嘅緋聞,不過獲男友William投以信任票,無損戀情,皆因男友已求婚成功。
向敏之求證此事,佢喺電話上說:「好假呀,邊個咁搞嘢呀?唔係囉!」追問婚禮詳情,佢只係話:「差唔多喇,未有咁detail,好多嘢都未plan,仲要啲時間,如果我真係結婚會同大家講,唔會結完婚先公佈。」佢稱婚禮多數會喺外地進行,但會否喺今年內舉行,則要視乎情況,至於男友是否已經向她求婚?佢就甜絲絲咁話:「秘密,畀返啲神秘感我哋喇!」
另外,被視為新一代「咪神」的梁政珏,自從年多前與潮牌老闆兼設計師男友Eric Chu甩拖後,不久便火速結識「北海道牧場餐廳」老闆何思源(John),雖然兩人拍拖只有一年多,梁政珏坦言已視男友為結婚對象,仲自爆男友曾兩度向佢求婚,只因未有鮮花和戒指,所以遲遲未肯答允,不過sweet到爆嘅梁政珏,經常喺微博大曬與男友的合照,可見佢哋真係戀得火熱。
據知John已經成功向梁政珏求婚成功,更送上一隻5卡的藍寶石戒指作為訂婚禮物,梁政珏將如願成為馬年新娘,佢計劃先與雙方父母同親友舉行晚宴,接着再設宴招待一班朋友,方便佢哋盡情狂歡。不過目前最令佢感頭痛,就是未搵到合適嘅場地,所以仍在煩惱中。
向梁政珏求證此事,佢語帶輕鬆地話:「o依家喺度籌備緊,詳情唔方便講太多!」
有「索腿天后」之稱的陳敏之(左)與新一代「咪神」梁政珏(右)分別傳出婚訊!
