凌晨拍剧叉足电 岑丽香做开心果冧工作人员

2017-11-08
字体:
大中小
浏览:
文章简介：香香一到现场,即刻展现佢甜到漏嘅笑容,同工作人员有讲有笑.岑丽香(香香) 呢个甜姐儿,虽然嫁咗强强做人妻,但係依然咁sweet,腰果眼加甜美嘅笑容,真係冧死人.

香香一到现场，即刻展现佢甜到漏嘅笑容，同工作人员有讲有笑。

岑丽香（香香） 呢个甜姐儿，虽然嫁咗强强做人妻，但係依然咁sweet，腰果眼加甜美嘅笑容，真係冧死人。早排香香为剧集《溏心风暴3》去到铜锣湾一间酒店开工拍通宵戏。虽然佢到场时间经已係凌晨两、三点，一般人精神一定跌晒watt，但係香香天生丽质，一啲疲态都冇。

香香于去年底做人妻。

香香坐住crew车到场，佢见到一男一女嘅工作人员，即刻展现佢招牌嘅甜美笑容，同工作人员仲边行边手指fing fing讲晒笑，凼得大家不知几开心，搞到各人都忽然醒神晒。所以话香香似足开心果，连身边嘅人都感染埋，甜心女神嘅魅力果然不凡。