杨秀惠台湾初恋男友 38度高温乾煎半日 杨秀惠中暑头晕!
杨秀惠到佛山拍摄无綫新剧《大帅哥》外景,要在烈日当空,38度高温下拍摄,滋味的确不好受,秀惠更曾因为“乾煎”12粒钟,中暑头晕!
秀惠与张卫健、蔡思贝、曹永廉、徐荣及谭凯琪等,早前到佛山西樵山国艺影城为《大》剧拍外景,拍摄期长逾40天,由于当地天气炎热,平均温度高达摄氏38度,加上每日凌晨4点便要化妆,以便赶及6点到达拍摄场地开工,难怪秀惠都指今次外景拍摄,是入行以来最辛苦一次!
大赞张卫健敬业
秀惠指炎热天气认真攞命,她说:“当地天气好热,戏服又厚又唔通风,每次拍摄出完汗,啲戏服就黏住个身,由朝早6点黏到傍晚6点,汗一直流,真系好唔舒服!好多同事都好辛苦,特别系幕后工作人员同男演员就更辛苦,因为幕后人员日日都拎住啲好重嘅器材,日晒雨淋,佢哋付出嘅汗水同努力绝对唔比演员少,男演员嘅戏服比女演员更加厚,更加密不透风,‘大帅哥’张卫健,佢要喺炎热天气下着住咁厚嘅戏服,仲要讲好长嘅对白,佢嘅对白可能一讲就几个钟,但佢时时刻刻都保持energy,真系非常敬佩佢嘅专业!
”
秀惠准备好消暑策略,应对炎热天气,她说:“带咗凉茶饮,又食西瓜,剧组成日都会派绿豆沙畀大家饮,我会带冰冻贴、风扇仔,我见有同事带咗袋冰垫住嚟坐,用嚟降温!张卫健就不时请我哋上佢架车凉冷气,我唔只喺佢身上偷师演技,仲学识待人接物!无论天气几热,环境几恶劣,佢都从来唔发脾气,对台前幕后每个人都非常有礼。”
秀惠又亲述疑似中暑头晕经历,她说:“天气热,又要戴假发,加上我好多喊戏,有一日拍到晕晕哋,我即刻同助手讲我唔舒服,佢就冲宝矿力畀我补充水分消暑,又帮我搽白花油,等我集中精神。今次真系入行以来最长时间嘅一次出埠外景,我连牙膏、厕纸都带埋嚟,每日拍摄完返酒店,真系完全冇精力再出去行,所以我将酒店房间布置到好似自己屋企一样,我仲带咗好多自己公司嘅瘦身、护肤产品,自用同派畀其他艺人,有福同享!”
