黄心颖八卦 马国明见家长过关 黄心颖等啱时候先结婚?
艺人黄心颖近年摆脱花瓶角色,戏份愈来愈重,感情上亦遇到无线第一笋盘马国明。二人在剧中名正言顺谈情说爱,现实虽然从未承认过恋情,但讲起「男友」时,心颖亦「自动波」代入马国明,唯一令她介怀的是被指「姣 Wing」倒追,她坦言:「呢个唔係事实!」
黄心颖早前在无线重头剧《宫心计 2 深宫计》中演女史,爱上将军马国明,二人在现实中亦是情侣,戏内戏外都可谈情,问到是否被刻意安排成一对?她澄清接角色时,仍未有绯闻传出,二人从未承认或否认恋情,但不会封口不提对方。心颖自言感情事不需要交代得太清楚:「做艺人感情事冇得唔讲,因為一定有人问,礼貌上你都要答,你唔答得几多次呢?」
爆喊助入戏
马国明除了是其男友,在工作上亦帮了她不少,她透露剧中有场喊戏自觉拍得不好,后来因服装问题需要补拍:「导演问我补拍有冇信心,机会唔係成日有,但只得一个钟拍,嗰场戏对手就係马国明。佢好投入角色再去帮我,佢先拍完要喊嘅镜头,再补拍我嘅大头,但係佢为咗帮我入戏,就喺我面前喊多次!」
这对真实情侣在剧中爱得悽惨,问到可有影响二人关系?她笑说:「有人话我拍呢个角色唔难,只係投入本身嘅感情,但係我觉得难啲喎,因为现实同拍剧都不同。(影响你哋感情?)冇,可能我仲未係好代入到,我分得到拍戏同现实!」
为噱头做新闻
与马国明挞着前被称为「姣 Wing」,心颖直言起初会介意,但明白到有爆点的新闻才值钱,逐渐调整心态。对于被指倒追马国明,她直言不介意,亦不是事实:「其实唔係真都会写,因为销量会好啲嘛,依家唔会点影响到我!」
父母要求高
心颖有三位姐姐,大家姐是 ViuTV 节目主持黄心美,所谓孻女孻心肝,父母对心颖特别疼爱,对其伴侣更特别严格:「佢哋会严啲、特别挑剔,可能三家姐嘅另一半同我嘅另一半差唔多时,佢哋会对我嗰个要求高,以前感觉到、睇得出佢哋会咁。
(对马国明评价?)冇特别讲,但我觉得 OK,係接受嘅!」更笑指姨甥在电视中见到马国明时,会指着电视叫「Uncle」,至于家人有否催婚?她直言没有,可能是不舍得让她离开家中,而自己亦不急于结婚。
冲凉戏� � 仔
由于事业属起步阶段,心颖希望每接一个角色都发挥得更好,故从未想到要结婚,她说:「自我要求高,希望每件事都可以做好啲,呢两年机会多咗,我满足但唔自满,想每次都畀人觉得我有更努力做好每件事!」
谈到拍剧点滴,她笑指萧正楠与马国明有一场在河边冲凉戏份,令她有机会「 ( 目及 ) 仔」,她笑说:「其实佢哋一早知有呢场戏,一直好辛苦去 Keep 身形,但场戏去到就嚟拍完先拍,虽然係讲我哋一班宫女偷望佢哋冲凉,但其实我哋係分开拍。我係唯一睇到佢哋拍嘅!(睇马国明?)唔睇佢啦,睇其他人!」
身为家中孻女的心颖,不似温室长大的小花,反而是个硬净的女孩:「我唔会畀人虾㗎,有咩唔钟意我都会讲,畀人话做人唔够圆滑,但係我觉得唔係人哋讲咩你就做咩!父母好锡、好保护我哋,畀到嘅都会畀,但係教我哋要知足!」
