【江嘉敏王浩信】江嘉敏被王浩信打倒:个个都话我欠打!
二人接受访问时,浩信指自己的角色恃才傲物,但对要打江嘉敏感到不好意思。问到江嘉敏拍摄时紧不紧张,她笑言:“我谂好多人都等咗呢日好耐,佢哋个个都话我欠打。”而浩信亦笑言江嘉敏对他残忍:“我好耐都冇拍被人打嗰啲场口,前两日要被佢掴。
”身旁的江嘉敏即连声致歉。浩信续解释说:“佢掴咗我十几廿巴。但今次感动好多,讲我喺病床昏迷,佢用呢个方法刺激我。”江嘉敏亦谓:“我好紧张,我谂被掴嗰个冇掴人嗰个咁紧张。我去到最尾系出尽全力。”浩信笑指自己有经验都受得起,又谓如果留力便没有很好的效果。
问到是否拍得辛苦,浩信说:“讲真拍到依家都唔算话好舒服,好多唔同嘢要去准备,例如动作及体能上。(Fit咗?)依家身形比较接近拳手,以前健身感觉多啲,依家轻盈啲,希望拍出嚟打拳感觉逼真啲。收到剧本都抽时间去练拳,打拳感觉要练先似。”
至于拍《兄弟》或是《踩过界》较辛苦,他指是两种不同的辛苦,拍《兄弟》的体能需求较大,有时都不够时间休息,但出来效果很好,加上剧情吸引,给他很大动力。
杨明与陈庭欣(Toby)于尖沙咀一间拳馆拍摄新剧《兄弟》,问到拍得辛不辛苦,Toby笑指对方忙于拍摄,搞到三日冇冲凉。杨明笑说:“唔辛苦,戒晒啲唔健康嘅嘢。冲凉已经戒咗,戒埋食嘢同瞓觉,人生好健康。”
杨明解释因为稍后到菲律宾拍摄时要骚肌,他笑说:“就系最尾去菲律宾拍先出事。”Toby亦说:“拍到依家好多演员除衫嘅任务已经做咗,仲净番佢一个。所以得佢一个要戒食,但我哋冇可能唔食嘢陪佢。我哋喺佢面前大鱼大肉,食埋佢嗰份。佢饮冻咖啡就饱。”问到是否要keep住身形,杨明笑谓:“我都冇肥过。”Toby则指他开拍以来瘦了一些,杨明解释是因为不够瞓的原因。
杨明又展示手上拍摄时受伤的伤痕,问到女友庄思明有否诈型或是替他感到心痛,杨明说:“投诉同呵都有。拍剧系冇乜时间,做自己嘢比较少啲,瞓觉时间都少,大家做呢行都明。”
![>德阳刘伟 德阳市司法局副局长刘伟带队[br]赴中江、罗江督查司法行政工作](https://pic.bilezu.com/upload/9/cd/9cd67749cfbc1c53b58c2b8bf268b0ce_thumb.jpg)
